ಸಿಕ್ಕಿ ಹಾಕಿಕೊಂಡುಬಿಟ್ಟಿದ್ದೇನೆ...
ಕೆ. ಅರುಣಾ ಮೂರ್ತಿ
ಸಿಕ್ಕಿಹಾಕಿಕೊಂಡುಬಿಟ್ಟಿದ್ದೇನೆ
ನಿನ್ನೊಳಗೆ...
ಥೇಟು,
ನಿನ್ನ ತೋರು-ಮಧ್ಯೆ ಬೆರಳೊಳಗೆ
ಸಿಕ್ಕಿಕೊಂಡಿರುವ
ಸಿಗರೇಟಿನಂತೆ!
ಅದಕೇ ಇರಬೇಕು,
ನನ್ನ ನಿನ್ನ ನಡುವೆ
ನುಸುಳಿದೆ ಹೊಗೆಯ ಪರದೆ!
ಹೆಬ್ಬೆರಳಿನಿಂದ ತಟ್ಟಿ...
ಬೂದಿ ಕೊಡವಿದಷ್ಟೇ ಸಲೀಸಾಗಿ
ನನ್ನ ಭಾವನೆಗಳನ್ನೂ
ಹರಡಿಬಿಟ್ಟಿದ್ದೀ ಚೆಲ್ಲಾಪಿಲ್ಲಿಯಾಗಿ...
ಕೆಂಪಾಗಿ ಕೆಂಡಕಾರುವ ತುದಿ...
ನನ್ನ ಮನಸಿನಂತೇ ಭಗಭಗ!
ಸಿಗರೇಟು
ಆರೋದು...
ಅದೆಷ್ಟು ಹೊತ್ತು ಮಹಾ?
ಕಾಲಲ್ಲಿ ಹೊಸಕಿ ಹಾಕುವದೂ
ಅಷ್ಟೇ ಸಲೀಸು!
ಆದರೆ...
ನೀನೊಂದೇ ಸಿಗರೇಟಿಗೆ ಮುಗಿಸಿಬಿಡುವೆಯೇನು?
ಮತ್ತೊಂದು, ಮಗದೊಂದು....
ನಿನ್ನ ಬೆರಳ ನಡುವೆ...
ನಿರಂತರ
ನನ್ನ ಹಾಗೇ....
***
ಕೆ. ಅರುಣಾ ಮೂರ್ತಿ
ಸಿಕ್ಕಿಹಾಕಿಕೊಂಡುಬಿಟ್ಟಿದ್ದೇನೆ
ನಿನ್ನೊಳಗೆ...
ಥೇಟು,
ನಿನ್ನ ತೋರು-ಮಧ್ಯೆ ಬೆರಳೊಳಗೆ
ಸಿಕ್ಕಿಕೊಂಡಿರುವ
ಸಿಗರೇಟಿನಂತೆ!
ಅದಕೇ ಇರಬೇಕು,
ನನ್ನ ನಿನ್ನ ನಡುವೆ
ನುಸುಳಿದೆ ಹೊಗೆಯ ಪರದೆ!
ಹೆಬ್ಬೆರಳಿನಿಂದ ತಟ್ಟಿ...
ಬೂದಿ ಕೊಡವಿದಷ್ಟೇ ಸಲೀಸಾಗಿ
ನನ್ನ ಭಾವನೆಗಳನ್ನೂ
ಹರಡಿಬಿಟ್ಟಿದ್ದೀ ಚೆಲ್ಲಾಪಿಲ್ಲಿಯಾಗಿ...
ಕೆಂಪಾಗಿ ಕೆಂಡಕಾರುವ ತುದಿ...
ನನ್ನ ಮನಸಿನಂತೇ ಭಗಭಗ!
ಸಿಗರೇಟು
ಆರೋದು...
ಅದೆಷ್ಟು ಹೊತ್ತು ಮಹಾ?
ಕಾಲಲ್ಲಿ ಹೊಸಕಿ ಹಾಕುವದೂ
ಅಷ್ಟೇ ಸಲೀಸು!
ಆದರೆ...
ನೀನೊಂದೇ ಸಿಗರೇಟಿಗೆ ಮುಗಿಸಿಬಿಡುವೆಯೇನು?
ಮತ್ತೊಂದು, ಮಗದೊಂದು....
ನಿನ್ನ ಬೆರಳ ನಡುವೆ...
ನಿರಂತರ
ನನ್ನ ಹಾಗೇ....
***
WOW
ReplyDelete:-)
ReplyDelete