ಮೂವರ ತಲೆಯಲ್ಲಿ ಮಿಂಚುಹುಳ...


ಬಸೂ




1.
ದಟ್ಟ ಕತ್ತಲು
ಮಿಣುಕುಹುಳು ದಾರಿ ತಪ್ಪುವುದಿಲ್ಲ.


2.

2.
ದೀಪ ಹಚ್ಚಿಕೊಂಡು ಅಲೆದವರಿಗೆ ಸಿಕ್ಕದ ಬುದ್ದ
ದೀಪವಾದವರಲ್ಲಿಗೇ ಬಂದು ಸುಮ್ಮನೆ ಲೀನನಾದ.

***


ಚೇತನಾ ತೀರ್ಥಳ್ಳಿ



1.
ಚಂದ್ರನ ಮೋಹಿಸಿದ
ಹುಳುಗಳು
ಬೆಳಕಿನ ಬಸಿರು ಹೊತ್ತಿವೆ.

















2.
ಬೆಂಕಿಯಿಲ್ಲದ
ಬೆಳಕು,
ಬುದ್ಧನಿಗೆ ಖುಷಿಯಾಗಿದೆ.

3.
ಜೀವದ ಹಣತೆಗಳು
ಬೆಳಕು ಹೊತ್ತು
ಹಾರಿವೆ.


***




ಜಿ.ಕೃಷ್ಣ.



1.
ಮಿಂಚುಹುಳುಗಳ
ನಾಡಿನಲ್ಲಿ
ಬೇಸಿಗೆಯಿಲ್ಲ.


2.
ಹಗಲು ತುಂಬಿತು
ಮಿಂಚುಹುಳದ
ಬೆಳಕು.


3.
ನಿನಗೆ ನೀನೇ ಬೆಳಕು
ಎಂದಿದ್ದ
ನೀನಷ್ಟೆ ಅರ್ಥಮಾಡಿಕೊಂಡೆ.



4.
ಮಿನುಗದಂತಿರುವ
ವಿದ್ಯೆ
ಕಲಿಸಲು ಬಂದಾರು, ಎಚ್ಚರ!


5.
ಮಿಣುಕುಹುಳ
ಎಂದರೆ
ಓಗೊಡಬೇಡ, ಮಿಂಚೇ ಸರಿ.


***